<Review> 平價版Urban Decay: Makeup Revolution palette
Makeup Revolution係英國一個平價既品牌,兌返港幣都仲係平過香港好多開架產品,
同埋佢既款式同好多大牌子既都好相似,特別係eyeshadow,相似度係90%
今日買左盒新既眼影,逼不及待同大家分享下性價比有幾高!
全名叫MakeUp Revolution Redemption palette iconic 3
total 12隻顏色,主要都係大地色系同粉色系 佢同Urban Decay Naked 3既相似度係99%
因為我一向用開Urban Decay既eye primer同blush
所以覺得自己同緊呢盒既時候都好似真係用緊一set UD咁唔同既地方當然有啦
出面賣緊成$500既UD,當初買既時候真係好心痛,不過我係買左NAKED 1 都係400幾姐
今次點解會簡呢個MAKE UP REVOLUTION,原因只有一個: 價錢
佢只係$68 係$68 係$68呀!!!係平左6倍幾既價錢呀痴線架!!!!!!
除左價錢之外,其實2個Palette真係好相似,因為我冇買naked 3 唯有上網搵下圖
上圖係NAKED3 下圖係ICONIC 3 大家可以分下有幾相似
真係好似呀救命,因為本身同緊NAKED 1,覺得2個牌子既顯色度都好高
粉質同樣幼滑同細,不過ICONIC3 既飛粉會多少少 好似散 但NAKED就實d
另外一點就係佢既易卸度,用眼線眼影最驚好難卸,大力抹又會令隻色入哂落皮膚度,導致眼周暗沉
我試完當日,用紅水一抹,已經甩哂咁制,咁就唔洗次次都大力抹又紅又黑啦!
總結:價錢真係好親民,買哂ICONIC 1-3既價錢都未買到一盒UD
好岩新手學化妝或冇咩預算買既去用
如果你仲係追求緊一隻岩你既Palette,覺得開架牌子唔夠好,又覺得專櫃牌子唔抵 呢盒應該好岩你,ICONIC 1-3唔同顏色選擇,比起出面200蚊一盒得一隻色 依一盒?
$68俾到你12隻色,用開架既價錢享受專櫃既感受,抵得諗